-Regjeringa har som mål å gjere byggje- og anleggssektoren fossilfri innan 2025. Forbodet er eit viktig steg på vegen, seier klima- og miljøminister Sveinung Rotevatn (V).
Les også: Alle byggeplasser i Oslo må drive fossilfritt
Eit års varsel
Forbodet er forventa å redusere utsleppa av klimagassar med om lag 80 000 tonn i året i perioden fram til 2030. Forbodet kan også gi andre gunstige effektar, som redusert luftforureining på byggjeplassane og i byane.
For å gi næringa og marknaden tid til å omstille seg, vil ikkje forbodet tre i kraft før 1. januar 2022. Forbodet vil ikkje gjelde oppvarming av fritidsbustader eller produksjonslokale.
Det vil heller ikkje gjelde bygningar der målet med oppvarminga er å førebygge skade etter til dømes flaum eller lekkasjar.
Det finst allereie fleire fornybare alternativ til mineralolje, til dømes fjernvarme, elektrisitet og biobrensler.
Regjeringa forventar framover ei positiv utvikling i marknaden for fornybare energiløysingar, særleg som følgje av oljefyrforbodet som trådde i kraft i 2020 .