Dagleg leiar i Byggmester Strand AS, Tore Strand og direktør i Forsvarsbygg, Thorbjørn Thoresen, signerer kontrakten. (Foto: Forsvarsbygg)

Strand skal stenge støyen ute

Den hittil største kontrakten på støytiltak på bygg utanfor Ørland flystasjon blei signert 1. februar med byggmester Strand.

Signeringa blei utført i fortsetjinga av markeringa av Forsvarsbyggs nye prosjektkontor for eigedomsforhold, som ble avhalden same dag i Meieriveien 5 i Brekstad sentrum.

Les også: BM 0118: Midt i en byggeboom

Stor avtale

Dette er den største kontrakten så langt i prosjektet med støytiltak utanfor flystasjonen.

– Det er få, om ingen annan enkeltståande kontraktar på støytiltak som har blitt inngått i denne storleiken på landsbasis, seier eigedomssjef i Forsvarsbygg kampflybase Carl Oscar Pedersen.

– Vi er nøgd med å inngå kontrakten med Byggmester Strand, som allereie er erfarne entreprenørar i prosjektet, legg han til.

161 hus

Støytiltak på bygg utanfor basen – entreprise 5 – omfattar totalt 161 hus og har ein kontraktssum på ca. 62 mill. inkl. mva. Entreprenøren går i gang med oppmålingsarbeida no i vinter.

– Opp mot 1000 hus rundt Ørland flystasjon vil få tilbod om støytiltak og ca. 1300 vil få tilbod om undersøking. Per i dag har ca. 900 undersøkingar blitt fullført og straks rundar vi 100 ferdige tiltak. Nær 160 er i ulike fasar av utføring, mens ytterlegare 170 vil bli påbegynt utover våren, fortel Carl Oscar Pedersen.

Entreprise 1-3 har blitt utført av Byggmester Strand AS og har total utgjort ca. 105 hus.

Entreprise 4 har omfatta 67 hus og blitt utført av FVS Entreprenør AS.

 

 

Legg igjen en kommentar

Din e-postadresse vil ikke bli publisert. Obligatoriske felt er merket med *