– Vi vil legge betre til rette for at nye og innovative bedrifter kan få finansiering, slik at dei kan vekse, skape arbeidsplassar og bidra til verdiskaping, seier næringsminister Monica Mæland.
Små og mellomstore bedrifter kan få innovasjonslån frå Innovasjon Noreg. I revidert nasjonalbuydsjett foreslår regjeringa ramma for innovasjonslån med 300 millionar kroner.
Forslaget inneber at Innovasjon Noreg årleg kan låne ut 1,2 milliardar kroner til innovative vekstbedrifter og nystarta bedrifter.
Regjeringa vil også gjere det enklare for bedrifter å få lån i private bankar. Næringsministeren foreslår derfor å doble Innovasjon Noreg si ramme for garantiar, frå 40 millionar kroner til 80 millionar kroner.
Regjeringa sitt forslag er ei følge av to avtaler mellom Innovasjon Noreg og Det europeiske investeringsfondet.
