I underkant av 62 prosent av hyttekjøparane var mellom 40 og 60 år då hyttedraumen vart realisert, 22 prosent var under 40 år, medan 16 prosent var over 60 år.
Sit godt i det
Hyttekjøparane sit godt i det økonomisk, fortel Statistisk sentralbyrå vidare. Samla inntekt etter skatt for hushald som kjøpte hytte i 2013, var i gjennomsnitt 995.000 kroner. Dette ligg langt over gjennomsnittet i Noreg, som i 2013 var 543.000 kroner.
Snittpris på 1,9 millionar
Kjøparar frå dei fire fylka Oslo, Akershus, Rogaland og Hordaland, blar opp mest når dei kjøper hytte, i snitt 1,9 millionar kroner. Landsgjennomsnittet er ein halv million lågare.
Høg inntekt – dyr hytte
Ikkje overraskande er det dei med størst inntekt som skaffar seg dei dyraste hyttene. Kvar tiande hytte kosta over tre millionar kroner. Samla hushaldsinntekt etter skatt var i gjennomsnitt 1,6 millionar kroner for dei som kjøpte hytte til mellom 3 og 5 millionar kroner. For dei som kjøpte hytte for over 5 millionar kroner, var det tilsvarande talet 2,5 millionar kroner.