Statens byggeskikkpris søker kandidatar

Kjenner du eit bygg som fortenar Statens byggeskikkpris 2010? Det er ope for alle å foreslå kandidatar, skriv Husbanken på nettsida si.

Kommunal- og regionalministeren delar ut Statens byggeskikkpris kvart år. Prisen er på 200.000 kroner.

Miljøvennleg og for alle
For å bli nominert må bygget tilfredsstille ei rekke sentrale krav når det gjeld miljøvennleg byggeskikk og universell utforming.

– Vi ønskjer å stimulere bygge- og eigedomsnæringa til å føre opp bygg med lavt energibehov, miljøvennleg materiale og ei utforming som gjer det mogeleg for alle å bruke bygget, fortel leiaren for sekretariatet i Husbanken, Lene Edvardsen.

Statens Byggeskikkpris er en heiderspris for bygningar, som gjennom utførelse, materialbruk og samspel
med stad og miljø bidreg til å heve, fornye og utvikle den allmenne byggeskikken. Kandidatar til prisen skal ha
god arkitektonisk utforming og skal oppfylle sentrale krav innanfor miljø og universell utforming.»

Ber om forslag
Forslag må begrunnast og sendast til Husbanken. Frist er 14. mars 2010.

Blant tidiegare vinnarar kan vi nemne: Preikestolen turisthytte (2009), Den norske Opera & Ballett (2008), Pilestredet Park, Oslo (2007), Hausmania, Oslo (2006) og Rørostoppen skole, Re (2005).

Legg igjen en kommentar

Din e-postadresse vil ikke bli publisert. Obligatoriske felt er merket med *